1. |
La Storie di Timp
04:59
|
|||
Plôe ch’a bat sui veris
di cheste mê ore dolce.
Plôe ch’a pete fuart
sui cjâfs di chel marcjiapît fodrât di int.
‘L è il musicist ch’al puarte
une cjançon di bocje in bocje.
‘L è il paron da barache
che di lavôr no si soce.
Dongje è la vecje mate
ch’a prèe, a blesteme e no si scolte.
Epûr ai son ducj aì,
bagnâts da stesse nere plôe.
Epûr ai son ducj aì,
cence ombrene e cence vôes.
L'unic ch’a si sostente al è
chel vecjut che ducj clamin
“Timp”.
Che plan planut, ridint,
al tache a contâ chestes stories
al vecjo plevan:
"A ‘nd è paîs, di là dal cîl,
da che la musiche si scolte.
A ‘nd è paîs, di là dal mâr,
da che la vôre no si sconte.
A ‘nd è paîs, di là di un prât,
da che il plui biel dai res ‘l è mat."
Alore il giovin al cjape su il so violin
par cori daprûf a chel cîl cussì lontan.
Il rasonîr, ben pensant, tal so vistît
al cjape la plôe e al sta cidin.
La vecje invesse cu la rason ta sachete,
al lasse Timp tabaiâ dal so destin.
"jo fâs il gno e lu disfi cuant che ai vôe."
Prove scolte, prove scolte cumò
ce ben ch’al sune chest cîl
a miegenot.
Prove ven in rive al mâr
ven cjate il vecjo cun chel biel
vistît rapeçât.
La vecje invesse l'an iodude in t'un prât
cul siôr Timp ch’ai strengeve
la man.
|
||||
2. |
Cori
05:53
|
|||
Cori, cence mai fermâsi un moment
e spiâ
dut il mont, dut ator, cja’ ce biel.
Ferme achì, lasse il vint sivilâti tai cjavei
e scolte
la neif ch’a si pôe plan plan sul neâr.
Si caisarin dongje un fûc impiât s’a tu vûs
compagnie
ch’a no è facil, tancj viaçs, cjatâle cassù.
Ma il fûc al mûr, la passion si è studade
in t’un moment
il len cinîse e il fum al cor pal cîl.
A passon cumó sei jo e las pieures
da lassù jodin dut
e mi ridin fûr par fûr.
Cori, cui sà mai par lâ indulà
e percè no crodi che invesse
il ben plui grant
‘l è fermasi un moment e spiâ?
Di cui eise colpe se cumó ducj a corin?
Sono i timps?
Ma il timp, lui, nol è mai cambiât.
Cori, cence mai fermâsi un moment
e spiâ, dut il ben
dal mont ch’al va
tal stes timp che al è simpri lât.
Respirarin arie gnove di ‘legrie,
Ch’a ven, ch’a va, ma torne...
Baste spietâ...
Ferminsi achì, ducj insieme e spietìn
chel sbuf di sperances da toli in svual
cence vei plui poure
di colâ tal vueit dai ricuarts.
|
||||
3. |
Nou
04:11
|
|||
Ce podiel chest cîl, invuluçât su di nou?
Ce podiel chest mâr, se nencje lui al sa dulà lâ?
Ce pàino las steles, par lusî sore il mont?
Ce podino las foes, se il freit ‘l è già tra di nou?
Encje nou sin fats cussì, Lûs cence direzion.
Encje nou come chestes foes, balarin cu la prime plôe.
A ‘nd è int ch’a cîr las strades batudes dai "professôrs",
par chei ch’a vulin fâsi une a ‘nd è un troi tal mieç dai monts.
Las strades a segnin distances, chês infinides dai nestis cûrs.
Las strades a segnin i prâts, da che prin no ‘nd ere lûs.
Vin di rindisi invesse cont che no ‘nd è strades che nus coventin.
Come sisiles sot il cîl d'avost, svualarin spiant jù pouc.
Ce podie la Guere, se dopo ducj la clamin Pâs?
Ce podino las Passions se i agns biei ai son già lâts?
Ce podiel l'Amôr, s’a lu gjoldìn un sol moment?
Ce podiel l'Invier, se dopo dut al torne vert?
Cirin di jessi ce che nus àn mostrât: poetes, operaris o soldâts.
Samèe invesse che nissun nus vêti det che jessi pouc tancj viaçs a vâl.
E che encje nou sin fats cussì, Lûs cence direzion.
Encje nou come chestes foes svualarin cuant ch’a ven l'ore.
|
||||
4. |
Il Re a Zuviel
06:38
|
|||
[Rit]
Conte Flame, contimi une storie.
Ridarin e cjantarin a binore.
Conte chê dal re todesc
rivât jù cui sa parcè a Zuviel.
Si dîs che une volte un biel re todesc
‘l è rivât jù fintramai a Zuviel.
Strac dal viaç al vuleve ponsâ,
e si è ponet tal ort di Scimon il Becjâr.
Il gjal al cjante e Scimon lu sint
e si met a pisciâ sôre il so radic,
il re dismot: "Ce eisel chest cjalt?"
"E tu cui dal diaul sestu?!" al vôse il Becjâr.
[Rit]
Si dîs che une sere, une sere d'avost
il re si è ponet in tal prât dal Bepon,
si è dismot tal doman binore
cence cjatâ un cjavel 'tor pa crodie.
"Ce mi veiso fat?! ‘Chì mi sint dut une bûse!!"
E il Bepon ridint ai fâs: "Cjale scuse,
fasint il fen ti ai cjapât denti il codin
e ‘l è vignût vie dut il to paruchin!!"
[Rit]
Si dîs che une dì il re si sêti invaghît
di une giovine bionde ch’a çumave radîs.
Chê ai fâs:"Ven su, ven su re biel,
ven ch’a ti mostri il paradîs di Zuviel!!"
Alore il re al và su biel cjamât,
ma al torne corint dut sgjavelât.
"Chê no è une giovine, no,
chê aì à un ucel come un cuarn di un cjamoç!!"
[Rit]
Come chê volte, cu la glace e la neif,
il re si è inviât jù par un prât in pidui.
Un pît mal metût sun t'une legne
il re le svualât in ta Gladegne.
Intant che il re al vosave: "Ce freit!!"
La vecje Marie lu à cjamât in tal gei.
"Las legnes lassades son cause tô,
usnot tu mi scjaldes... Vôe o no!!"
[Rit]
Si dîs che une volte il re al veti cjantât
ma da un vecjo aì dongje ‘l è subit stât fermât:
"Ch’al scolti siôr re, par fâ un biel cjant,
a vûl jessi in trei: doi scoltâ e un tasei!!"
[Rit]
|
||||
5. |
Cidules
04:57
|
|||
Un fûc impiât sot i crets e
sot i teis ch’a nus tegnin di vouli.
E spìin a int ch’a nus spiete jù in paîs
a ‘nd è lûs, a ‘nd è vous, a ‘nd è cjants.
E pensìn encje as giovines ch’a son da maridâ
e ai vecjuts già da un toc incjadenâts
e pensìn encje a nou, si, a nou biâts vedrans
cui sa cui ch’a nus tocjarà..
Intant che il soreli al pon di là da mont
nou finint il butilgjion
parecjin las vous par vosâ un tic plui fuart
e da cassù par usnot si sintarà:
"Ch’a lêti lungje, a lêti, chê achì è pa Marie
e Vigjut che no la lasse âti lâ vie.
Ch’a lêti lungje, a lêti e si studi jù tal flum
chê achì par Marie e par Vigjut!"
"Ch’a lêti lungje, a lêti, chê achì è par Scimon
che cu la Bete al pâr propit bon.
Ch’a lêti lungje, a lêti di là da mont di Cuc
chê achì pa Bete e il Simonut!"
Intant che la not a si fâs un pêl plui dolce
giuìn cui amôrs e cul fûc
e vosìn ducj i nons ch’a nus passin pal cjâf
si, che il paîs nol è tant grant.
Plui lungje a va la cidule plui lunc sarà l'Amôr
sa va curte.. Biâts mai lôr!
Fortune encje a di chei ch’a si studarà in paîs
la mê a stente già a partî!
Par usnot vin crodût che l'Amôr vegni detât
da distance che une stele a fâs colant.
Ma vin becât nome un toc di veretât
l'Amôr come cidule a gire, al ven e al va...
Ma intant:
"Ch’a lêti lungje, a lêti, chê achì a è un tic par ducj
nou che vin un amôr tal cûr.
Ch’a lêti lungje, a lêti, vus auguri ogni ben
e di vei simpri un biel cîl seren.
Ch’a lêti lungje, a lêti, ti auguri ogni ben
e di vei simpri un amôr cun tei".
|
||||
6. |
Foes
09:55
|
|||
Chestes foes no an nue da dî,
fint che il vint no las puarte.
E jo mi sint come lôr,
silenzious tal gno dî.
L'invier al toche ta puarte
e il cîl al piert ducj i colôrs.
jo lu spî jù da chì,
imbraçant un fusîl già studât.
Cemût eriel il mont?
Forsi un tic plui colorât di cumó?
Cemût erie pierdisi daûr di une giovine?
Cemût eriel il mont?
Di ce saveviel il len?
Di ce saveviel il vin?
Di ce saveviel il spolert impiât dut l'invier?
Di ce savevie la neif?
Soldâts, come fôes,
che il cîl a si puartarà vie.
Tante vite, tantes stories,
che nissun si dismentearà plui.
Ducj achì a spianus,
sin plui biei cuant ch’a stin par murî?
Fint che il cîl no nus clame
stin achì cun trei segnos sul braç.
Not e scûr a ven par ducj,
ma a vincj agns eisel just murî cussì?
Not e scûr colait su chescj vôi,
di un om ch’al à vaît.
|
||||
7. |
Novembre
03:42
|
|||
Une rôse
ch’a puarte vie dut il blu dal
mâr,
ch’a emple di steles i miei
vôi.
Une stele
ch’a lûs sigure in ta not plui
nêre.
A rint sigûr encje un
frut,
bessol.
Plôe nêre
ch’a si mescede a lâgrimes
veres,
las fôes as colin dut
ator.
Odôr di len
ch’a lavoravis in pâs e
serens.
La sgoibie a reste da
guçâ
e dropâ.
|
||||
8. |
Nine Nane
04:06
|
|||
A voi lâ in chel prât di steles
in som da nere mont,
e tornâ doman binore
pront par lâ pal Mont.
[Rit.1]
Nine Nane ven a tolmi,
passe usnot, la sere.
Che il gno frut al mûr da sum
e il gjat ai ten la lum.
Puartimi in svual sôre
paîs, flums e prâts.
Puartimi in tal braç, come ch’a fâs
la mê mâri.
[Rit.1]
Puartimi a balâ in som dai crets,
in som dal Mont,
e cui Sbilfs ch’a cjantin ai darìn
la Buinenot.
[Rit.2]
Nine Nane dolce e vere
passe usnot, la sere.
Che chest Mont al mûr da sum
e la Lune ai ten la lum.
Encje las Aganes saltin fûr
dal bosc plui scûr,
e as tache il cjant di une not
in pâs sincere.
[Rit.1]
[Rit.2]
|
Alvise Nodale Sutrio, Italy
Songwriter, guitarist and singer from Sutrio (Italy).
Streaming and Download help
If you like Alvise Nodale, you may also like:
Bandcamp Daily your guide to the world of Bandcamp